مشى؟...مازال ماتفطم؟ ...يشد روحوا المسكين يحاول ان يحمل زجاجه ماء يقال له : مازال ولدى راك صغير ...يبكى يريد ا ن يذهب الى المدرسه :مازال ما لحق عمرك... يذهب للمدرسه :مازال لم يقرأ ..مازال لم يكتب ...ربما تعلم القراءة والكتابه "تغنانت" ويجى يقرأ كتاب مجلد او مجله من مجلات امه يقال له: مازال "ماوصلتش"يبدا يبحث عن المعرفه ويكثر من اﻻسئله يقال له : مازال راك صغير عن هذه الامور.يكبر ويدخل للجامعه فى اول تيدى يبدأ المساعد فى اشياء واشياء ثم يختم كلامه انتم مازال راكم السنه الاولى ، يحاول المسكين ان ينخرط فى عمل سياسى يقال له : مازال راك فى اول الطريق، يتقدم قليلا "كى يكون لصقه" يقال له: مازال تنقصك الممارسه ، استاذه المحاضر فى لحظة صفاء يقول له :مازال راه المستقبل قدامك ، وهو يرى الخريجين قبله بطاله ، والناس تموت فى البحر وربما يجد من يقول له: مازال الخير لقدام.
بعد الجهد والعناء يتخرج وربما يخسر مليون او اثنين "كاطوا و قازوز" وعند باب المعهد يقول له عون الامن: مبروك خلاص لقرايا؟ يرد عليه خلاص درك الخدمه فيقول له عون اﻻمن : مازال رانى فى عشر سنين وراك تشوف ومازال تابعتك الخدمه الوطنيه و ..و..و.
يتوفق المسكين ويظفر بمنصب شغل ، وربما تعفى من الخدمه الوطنيه ، ويطلب الزواج فيقال له : مازال ما عندك الدار..يدير الدار ..مازال الجهاز..ويدخل فى سلسله من "مازال " واخوات "مازال وانفاق المال و يتزوج وفى الصباح يقول الحمد لله ، فتقول له:المخلوقه : مازال تقلك "كروسه" ومازال ومازال ..وبعده مازال ماعطاك ربى العيال ؟ مازال ما دخلوا للمدرسه ..مازال راهم يقراو حتى لدرك..مازال ماخدموا ..مازال ماتزوجوا ...مازال ما خرجت تقاعد ...حتى الى ان يتقاعد من هذه الدنيا ..الدفينه مازال بعد صلاه العصر ، تقف الناس للصلاه عليه مازال راه الناس جايه..بعدها مازال الصدقه ..مازال خروج" العود" بعد مده مازال مرتوا ما لاحت الرباط ....ومازال هى مازال.
فمتى تزول "مازال"
ليست هناك تعليقات:
إرسال تعليق