نعرف ان يرقنات الفراش تدير الحرير وهى دوده صحيح تاكل ياسر مى من بعد تدير كمكومه نتاع حرير و بعدها تطير .
انتم مادرتوا والو وانتم مازال دود يزحف على كرشوا باغيين تديروا وانتم بجنحيكم .
تقلى الشاب من هادو يقول لك نحن الشباب نقدر ندير اذا وصلنا للمجلس قالوا ناس بكرى الجواب يبان من عنوانوا انت طالع هابط على الوسخ وانت ما يهمك غير لبستك وتظل تتفل على صباطك وتمسح فيه باش يبان "يبريي" وماك شائف وين راك واقف وباغى تدير لما تعود توطى على "الماربر " و"الماكيت " انعل ابليس تقول باغى تدير ديبتى برك نصدقك مى باش تدير حاجه لغيرك "انبوسيبل".
وتلقى الشيخ من هادوا نهار كامل وهو يمد فى رقبتوا كالزرافه يفوت عليك ما يقولك حتى السلام وفى ايام الفوط يولى يتمحس عليك كى الكلب واش تدير كان درت لراسك راك مليح .
وتلقى هادو وهادوا هما والحبوسيا
زايدين فى نهار واحد كى تتكلم معاه فى موضوع جدي تلقى كثرة كلاموا ضحك ما نعرف يضحك على الغباء انتاعوا و لانه هو والحبوسيا ما يتفرقوش عن بعض يحسب راه "يحشيها لك " ومن بعد يمشى فرحان بروحوا .....امشى ..على بالنا بيكم مى الله غالب تربينا على كلمة "الى يقبح فى الوجوه قبيح" عليها رانا نفوتوا ليكم ...
الحاجه الوحيده الى تقدروا تديروها هى انكم تضحكوا على الناس النيه لانكم انتم "وليسكروكرى " اخوت من الرضاعه مى باش تضحكوا علينا "نو"
ليست هناك تعليقات:
إرسال تعليق