الصحه الله لا يعددمها لاحد ، و وصيتى لا تروح للسبيتار برجليك ما تروح الا اذا كنت طايح فراش ، يالطيف من الطبه الا من رحم ربك ، واش يغيض ان اطباء عامون ظلوا فى بطاله مده وكى ربى يفتح عليهم ويدخلوا للخدمه يصبحوا فى بطاله قانونيه خالصين ويتقوعرووا "الباقه وشوف للرفاقه" يجي على التسعه ويخرج على التناعش هذا النهار الى يخدم فيه والعشيه الناس ما تمرض ، اما الاخصائيين الله الله ما قراو الا هما ولا قرى حد معاهم وكاين وحدين حاسبين روحهم هما الى خلقوا علم الطب يظل يخرب فيك و انت توكوك... يودى اعطونى بريه نروح لطبيب اخر والوا.. ادونى لسبيتار عندوا الامكانيات والوا.. وكى تبقى فيك غير الروح يدوك للجزائر ويروح معاك باش يشوف اموا ..يسمى يبروقرامى الفاكاس انتاعك على حساب مرضك وهذا الشئ كامل ترجع تمشى لعشاب وتبرى... خصاره كى تولى 11 سنه قرايه خير منها كمشه شيح والا قرعة زيت زيتون مرقيه لا حول ولا قوة الابالله ..الزينه فيهم انك تجى للمستشفى باه تشوف اختصاصى يقولو لك روح للجوارى تمشى للجوارى يقولو لك الطبيب عندوا شهر ما جاش تروح للادارة يقولو لك الله غالب يخلصوا على السبيتار لكبيره واحنا ما عندنا ما نديروا ليهم تروح لادارة السبيتار لكبيره تبرى بمرضك.
الممرضين فيهم وعليهم لكن الكثره منهم دورها تبزنيس "قرعه اتاع صالى مع قرعه براسيتامول 2000.00 والشوكه ما تدى ما تجيب 200.00 المشكل كل شئ من السبيتار السيرانج والقطن الحاصول كل شئ.. والمرضى توكل فى مولانا.. الانتى بيوتيك يعطوك الوصفه باش تشريها.. واذا فتحت فريجيدير انتاع فام دى ميناج تخدم فى السبيتار تلقاه فرماسى .الجماعه كامل تلقاها تخدم فى الليل"راقدين" والى يخدم فى النهار على حساب الظروف .
الحصول المريض راه مريض من عند ربى والمستشفيات مريضه بسبب العبد
والله لا يزيد اكثر
ليست هناك تعليقات:
إرسال تعليق